Security & Service.

Me shërbimin "Shërbimi i thirrjes së emergjencës" ju jepet ndihmë në rast emergjence. Kjo pasi në raste aksidentesh të rënda, p.sh. me hapje airbagu, ndihma thirret automatikisht. Nëse Volkswagen-i juaj regjistron një aksident, shërbimi vendos lidhje me qendrën telefonike të Volkswagen-it dhe ia përcjell informacionet e rëndësishme shërbimit të shpëtimit. Keni dhe mundësinë të thërrisni për ndihmë me prekjen e një butoni.

• Ia transferon të dhënat përkatëse qendrës telefonike të emergjencave të Volkswagen për të aktivizuar përkujdesje të shpejtë e personale
• Siguron vëmendjen personale derisa të administrohet asistenca në terren
• Mund të përdoret në aksidentet e të tjerëve në rrugë 
• Është aktive pa regjistrim që me dorëzimin e automjetit

Për shembull raporti i gjendjes së automjetit informon rreth gjendjes aktuale të automjetit përpara udhëtimit. Liston paralajmërimet ekzistuese dhe rastet e mbetura apo të tejkaluara të mirëmbajtjes dhe i arkivon. Për më tej, shfaqet gjendja aktuale e sistemeve të asistencës së drejtuesit. 

• Gjeneron raporte automatike pas një kohe të caktuar apo një distance të caktuar
• Dërgon njoftime me email sapo krijohet një raport automjeti i gjeneruara automatikisht
• Nëse kërkohet një raport manual i automjetit, do të krijohet sapo makina të shkojë online.
• Për shembull, shfaq informacionin e gjendjes për presionin e gomave, nivelin e lëngjeve, konsumin e frenave dhe intervalet e shërbimit

Për t'ju ndihmuar të përjetoni kënaqësi maksimale në drejtim, Volkswagen ju ndihmon të bashkërendoni takimet për servis. Sapo të ketë një rast mirëmbajtjeje në pritje, të dhënat do t'i përcillen nga Volkswagen partnerit tuaj të preferuar të servisit. Në vijim do të kontaktoheni nga ofiçina juaj dhe mund të lini me lehtësi një takim.

• Informon për nevojat e radhës për servis
• Partneri i servisit i Volkswagen mund të kërkohet me lehtësi dhe të zgjidhet individualisht në portalin Car-Net

Në rastin e një defekti ne jemi shumë shpejt aty. Duke shtypur një buton, mund të aktivizoni thirrjen në rast avarie në automjet dhe të dërgoni pozicionin dhe të dhënat e automjetit drejt shërbimit të emergjencës së Volkswagen-it. Një punonjës do t'ju ndihmojë në vijim të përcaktoni shkakun e avarisë ose, nëse është nevoja, do t'ju dërgojë një makinë servisi nëse problemi nuk zgjidhet menjëherë.

Për t'ju ndihmuar me të shpejtë, Volkswagen-i juaj po bëhet gati. Sapo sistemi i sensorëve të përplasjes të regjistrojë një aksident të lehtë, ky shërbim ju ofron mbështetje. Nëse shërbimi aktivizohet të dhënat e automjetit tuaj do të transmetohen pas konfirmimit tuaj ose drejt qendrës telefonike të Volkswagen-it ose drejt shërbimit të emergjencës së Volkswagen-it. Një person kontakti bashkërendohet me ju për procedurën e mëtejshme me lidhje zanore.

• Ofron asistencë të shpejtë e profesionale në rast dëmtimi
• I ofron informacione të rëndësishme shërbimit të emergjencës së Volkswagen-it
• Nëse kërkohet, kontaktoni një partner të Volkswagen-it
• Mundëson aktivizimin e menjëhershëm të shërbimit "Shërbimi i thirrjes së emergjencës" në rast emergjence

Shumë të dhëna personale udhëtimi me një shikim: Shihni në çfarë shpejtësi e kohe udhëtimi ecni që të optimizoni konsumin tuaj.

• Të dhëna udhëtimi që mund të hapen lehtësisht kudo
• Paraqitje e kohës mesatare të drejtimit, shpejtësisë, distancës së mbuluar dhe konsumit mesatar
• Përditësim i të dhënave pas çdo udhëtimi

Me shërbimin "Dyert dhe ndriçimi" mund të kontrolloni lehtësisht përmes aplikacionit nëse dyert e Volkswagen-it tuaj janë të mbyllur dhe nëse është fikur drita e parkimit. Një shikim i shpejtë për një ndjesi sigurie.

• Ofrohen të dhëna përmes aplikacionit apo portalit Car-Net Portal

Shfaqni me qartësi të dhëna në lidhje me automjetin tuaj - kudo që të ndodheni. Përdorni smartfonin për të kontrolluar distancën e mbetur apo kilometrazhin aktual.

• Të dhëna automjeti që mund të hapen prej kudo
• Informon rreth kilometrazhit aktual
• Ofron informacion rreth autonomisë
• Raporton inspektimin dhe ndërrimin e radhës së vajit

Harruat ku e keni parkuar Volkswagen-in tuaj? Me shërbimin "Pozicioni i parkimit", një prekje e smartfonit është e mjaftueshme për t'ju treguar se ku ndodhet makina juaj. Dhe në rast nevoje, si të shkoni atje në mënyrën më të shpejtë. 

• Shfaq pozicionin e fundit të parkimit
• Shfaqeni me lehtësi përmes aplikacionit apo portalit Car-Net
• Shfaq itinerarin për te makina
• Ndajeni pozicionin e parkimit me shoqërinë

Shërbimi "Njoftimi i zonës" gjurmon gjithçka. Njoftohuni automatikisht nëse automjeti juaj udhëton ose largohet nga zona të caktuara në orë të caktuara të ditës. Portali Car-Net mund të përcaktojë, aktivizojë dhe çaktivizojë deri në dhjetë periudha vlefshmërie dinamike.

• Aktivizon opsionalisht periudha njëherëshe apo përsëritëse vlefshmërie
• Përdor kanalet e zgjedhura të njoftimit për njoftime nëse është thyer rregulli
• Njoftimet e zonës mund të konfigurohen lehtësisht në aplikacion 

Mos e humbni qetësinë. Shërbimi "Njoftimi i shpejtësisë" ju mundëson aktivizimin e kufijve të përzgjedhur të shpejtësisë, që duhet të ndjekë drejtuesi i automjetit tuaj. Nëse tejkalohet shpejtësia e përcaktuar, do të njoftoheni automatikisht. 

• Mund të menaxhohet lehtësisht nga aplikacioni apo portali Car-Net
• Aktivizon opsionalisht periudha njëherëshe apo përsëritëse vlefshmërie
• Mund të çaktivizohet për kanalet e zgjedhura të njoftimit

Me shërbimin "Boria dhe sinjalet", boria dhe bllokazhi mund të telekomandohen përmes aplikacionit Car-Net.

Qëndroni më se i qetë, pasi Volkswagen-i mund të kujdeset për veten. Në rast tentative për grabitje, mund të merrni njoftim nga aplikacioni Volkswagen Car-Net në smartfon ose përmes emailit për rrethanat konkrete të incidentit. 

• Informon rreth arsyes dhe kohës së aktivizimit të alarmit kundër vjedhjes
• Njoftohuni me email ose mesazh drejt smartfonit
• Ofron një përmbledhje të mesazheve të mëparshme të alarmit

Këshillë: Vetëm në kombinim me alarmin kundër vjedhjes me siguresë.

Me shërbimin "Sistemi qendror online i ngrohjes" mund të ngrohni me lehtësi pjesën e brendshme të automjetit tuaj përmes aplikacionit apo portalit Car-Net. Thjesht programoni kohën e nisjes për udhëtimin tuaj të radhës ose krijoni një plan praktik javor - dhe sistemi juaj i ngrohjes do t'ju përshtatet më së miri.

• Funksionim komod përmes aplikacionit dhe portalit Car-Net
• Programim praktik për planet javore
• Filloni me një temperaturë të këndshme
• Ndihmon me dritaret e akullta dhe të mjegulluara

Këshillë: Vetëm në kombinim me pajisjen ngrohëse dytësore me datë porosia nga 28.4.2017 (jo për Golf GTE / Passat GTE).

Përdorni shërbimin "Karikimi" për të kontrolluar gjendjen e karikimit të baterisë dhe filloni apo ndaloni procesin. Dhe gjithë kjo thjesht nga divani. Përmes kompjuterit apo smartfonit, mund të shikoni gjithçka.

• Përmbledhje të gjendjes aktuale të karikimit
• Paraqitjen e autonomisë
• Përcaktimin e sjelljes së mundshme të karikimit
• Të informoheni rreth gjendjes së spinës së karikimit

Mbron baterinë dhe faturën e korrentit: Me shërbimin "Kohët e nisjes" optimizoni procesin e karikimit dhe përcaktoni se në ç'kohë duhet karikuar bateria e Volkswagen-it tuaj.

• Pa karikim të panevojshëm
• Krijim profilesh të ndryshme karikimi
• Komod në kombinimin me shërbimet e tjera (p.sh. klimatizimi)
• Bateri e plotë në kohën e dëshiruar

Me shërbimin "Klimatizimi" garantoni një temperaturë të këndshme në pjesën e brendshme që përpara nisjes së udhëtimit. Kontrolloni me lehtësi kondicionerin përmes kompjuterit apo pajisjes celulare pa qenë në makinë.

• Kontroll i lehtë i temperaturës
• Funksionim komod përmes aplikacionit dhe portalit Car-Net
• Shfaq temperaturën aktuale jashtë dhe të synuar
• Filloni në çdo moment me klimatizim ideal